അജ്മാൻ ∙ റാഷിദിയയിലെ കഫ്റ്റീരിയയിൽ പാചകവാതക സിലിണ്ടർ പൊട്ടിത്തെറിച്ച് 5 പേർക്കു പരുക്കേറ്റു. ഒരാളുടെ പരുക്ക് ഗുരുതരമാണ്. ആശുപത്രിയിൽ പ്രവേശിപ്പിക്കപ്പെട്ട ഇവരിൽ 4 പേരെ പിന്നീട് വിട്ടയച്ചു. സിലിണ്ടർ മാറ്റിവയ്ക്കുന്നതിനിടെ ആയിരുന്നു അപകടം. സിലിണ്ടർ കൊണ്ടുവന്നയാൾക്കും രണ്ടു ജീവനക്കാർക്കും ഭക്ഷണം കഴിക്കാനെത്തിയ രണ്ടുപേർക്കുമാണ് പരുക്കേറ്റത്. സിലിണ്ടറുമായി എത്തിയ ആൾക്കാണ് ഗുരുതരപരുക്ക്. ഇന്നലെ പുലർച്ചെയുണ്ടായ അപകടത്തിൽ കഫ്റ്റീരിയ ഭാഗികമായി തകർന്നു.
×
