Manoramaonline.com no longer supports Internet Explorer 8 or earlier. Please upgrade your browser.  Learn more »

സെൽഫിയിൽരാഹുലിനൊപ്പമുള്ളത് മലയാളി പെൺകുട്ടി; ദുബായിലുള്ള ഹസിൻ താരമായത് ഇങ്ങനെ

selfie-with-Rahul-gandhi രാഹുൽ ഗാന്ധി തന്റെ ഫെയ്സ്ബുക്കിൽ പങ്കുവച്ച ചിത്രം.

ദുബായ് ∙ രണ്ടു ദിവസത്തെ സന്ദർശനത്തിനായി ദുബായിൽ എത്തിയ കോൺഗ്രസ് അധ്യക്ഷൻ രാഹുൽ ഗാന്ധിക്ക് വലിയ സ്വീകരണമാണ് ലഭിക്കുന്നത്. ദുബായിൽ രാഹുൽ എത്തിയതിനൊപ്പം സമൂഹമാധ്യമങ്ങളിൽ ഏറെ ചർച്ചയായ ഒരു പെൺകുട്ടിയുണ്ട്. രാഹുൽ ഗാന്ധിക്കൊപ്പം സെൽഫിയെടുത്ത ഒരു സുന്ദരി. ഈ സെൽഫി ചിത്രം രാഹുൽ തന്റെ ഫെയ്സ്ബുക്ക് പേജിൽ പങ്കുവച്ചതോടെ പല തരത്തിലുള്ള അഭ്യൂഹങ്ങളും വന്നു.

യുഎഇ സ്വദേശിയായ യുവതിയാണെന്നും വിമാനത്താവള ജീവനക്കാരിയാണ് എന്നൊക്കെയായിരുന്നു കമന്റുകൾ. ഒടുവിൽ ആ സുന്ദരിയെ കണ്ടുപിടിച്ചു. അതൊരു മലയാളിയാണ്. കാസർകോട് മേൽപറമ്പ് സ്വദേശി ഹസിൻ അബ്ദുല്ല. സഹോദരൻ നൗഫൽ അബ്ദുല്ലയ്ക്കൊപ്പം രാഹുലിനെ കാണാൻ വിമാനത്താവളത്തിൽ എത്തിയെങ്കിലും തിരക്കു കാരണം ഫോട്ടോ എടുക്കാൻ സാധിച്ചില്ല.

തുടർന്ന് അനുവാദം വാങ്ങിയ ശേഷം കുടുംബത്തിനൊപ്പം രാഹുൽ താമസിക്കുന്ന ജുമൈറ ബീച്ച് ഹോട്ടലിൽ എത്തുകയും സെൽഫി എടുക്കുകയും ചെയ്തു. ഈ ചിത്രം രാഹുലിന്റെ ഫെയ്സ്ബുക്കിൽ പോസ്റ്റ് ചെയ്യുമെന്നോ ഇത്രയധികം ചർച്ചയാകുമെന്നോ ഈ പെൺകുട്ടി കരുതിയിരുന്നില്ല.

സെൽഫിയെടുക്കുന്ന ഫോട്ടോ രാഹുൽ ഗാന്ധിയുടെ സുരക്ഷാ ഉദ്യോഗസ്ഥർ മൊബൈലിൽ പകർത്തിയിരുന്നു. സുരക്ഷാ ആവശ്യങ്ങൾക്കായി എടുത്തതാണെന്നായിരുന്നു ഹസിൻ മനസിലാക്കിയിരുന്നത്. താനുമായുളള സെൽഫി രാഹുൽ ഗാന്ധി ഫെയ്സ്ബുക്കിൽ പോസ്റ്റ് ചെയ്യുമെന്ന് സ്വപനത്തിൽ പോലും കരുതിയിരുന്നില്ലെന്നും ഹസിൻ പറയുന്നു. ദുബായിൽ സഹോദരനൊപ്പം ഇവന്റ് മാനേജ്‌മെന്റ് കമ്പനി നടത്തുകയാണ് ഹസിൻ.

ലോക്സഭാ തിരഞ്ഞെടുപ്പിനു മുന്നോടിയായുള്ള കോൺഗ്രസ് അധ്യക്ഷന്റെ സന്ദർശനം വിജയിപ്പിക്കാൻ കേരളത്തിൽ നിന്നടക്കം നേതാക്കൾ യു.എ.ഇയിലെത്തിയിട്ടുണ്ട്. കേരളത്തിൽ നിന്നു മുൻ മുഖ്യമന്ത്രി ഉമ്മൻ ചാണ്ടി, എം.പിമാരായ, കൊടിക്കുന്നിൽ സുരേഷ്, എം.കെ.രാഘവൻ, ആൻറോ ആൻറണി, കുഞ്ഞാലികുട്ടി തുടങ്ങിയവർ രാഹുലിനൊപ്പമുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.