Manoramaonline.com no longer supports Internet Explorer 8 or earlier. Please upgrade your browser.  Learn more »

മൗനമായ് മറയുന്ന രാത്രി 

beach night

ശുഭരാത്രി നേരുന്നു സുഹൃത്തേ 

സുപ്രഭാതത്തിനായി കാത്തിരിക്കാം 

ഇന്നലെ കണ്ട മുഖങ്ങളല്ല നാം

ഇന്നു കാണുന്നതെന്ന സത്യമോർക്കണം 

ഒരുബെഞ്ചിൽ ഇരുന്നു പഠിച്ചവനെങ്കിലും

ഒരുവാക്ക് ചൊല്ലാതെ കടന്നു പോകാം

ഒരു നോട്ടം കണ്ണാലെറിഞ്ഞു മനസ്സിന്റെ  

ഓർമയിൽ തങ്ങിയ സുന്ദരിപ്പെണ്ണും

ഒരുവാക്ക് ചൊരിയാതെ കടന്നു പോകാം 

ഒരുവട്ടം കൂടെ കാണാമെന്നാശിച്ച 

സുഹൃത്തുമെന്നേക്കുമായ് കടന്നു പോകാം

ജീവിതം പിന്നെയും ബാക്കി നിന്നേക്കാം  

മനസ്സിന്റെ മതിലകത്തിന്നീ രാവിൽ പെയ്യും 

മഴ തീരാതെനിക്കുറങ്ങാൻ കഴിയീലല്ലോ  

ഉദയത്തിൽ വിരിഞ്ഞ സൗഗന്ധി പൂവിതാ 

ഉണങ്ങി വരളുന്നത് കാണുന്നു സത്യം 

ഇരുട്ടിലുദിക്കുമേന്നെങ്കിലുമൊരു ചന്ദ്രൻ  

എന്ന് പ്രതീക്ഷിച്ചു പാടുന്ന രാപ്പക്ഷി

ഉദയ കിരണമെത്തും മുൻപേ അണയില്ലേ  

ചാരെ ഒരുവായ് ചോറ് നൽകി ഉറക്കീടുവാൻ

അസ്ഥികൾ പൂക്കുമീ രാവിനി തീരുവാൻ 

കോഴികൾ കൂകണം പലവട്ടമെങ്കിലും 

പുലരാതിരിക്കുമീ രാത്രി നമ്മുടെ 

പാവന സ്വപ്നത്തിൻ ചിറകുകളാകട്ടെ! 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.